سٹاک مارکیٹ میں تیزی، انڈیکس ایک لاکھ 68 ہزار پوائنٹس کی حد پر بحال

پاکستان اسٹاک مارکیٹ میں کاروباری ہفتے کے دوسرے روز زبردست مثبت رجحان دیکھنے میں آیا، جس کے نتیجے میں کے ایس ای (KSE) 100 انڈیکس ایک لاکھ 68 ہزار پوائنٹس کی اہم حد پر بحال ہو گیا۔ ٹریڈنگ کے آغاز پر ہی مارکیٹ میں زبردست تیزی کی لہر دیکھی گئی اور ایک وقت میں انڈیکس 1900 سے زائد پوائنٹس کے اضافے کے ساتھ 1,68,469 کی سطح تک پہنچ گیا تھا۔ کاروباری روز کے اختتام پر اسٹاک مارکیٹ 1,454 پوائنٹس کی نمایاں تیزی کے ساتھ 1,68,018 کی سطح پر بند ہوئی۔ واضح رہے کہ گزشتہ کاروباری روز بھی انڈیکس 154 پوائنٹس کے اضافے پر 1,66,564 پوائنٹس پر بند ہوا تھا، تاہم تازہ ترین تیزی نے سرمائے کی حد میں بڑا اضافہ کیا ہے۔