پاکستان سٹاک ایکسچینج میں ٹریڈنگ کا منفی زون میں آغاز

پاکستان اسٹاک مارکیٹ (PSX) میں جاری کاروباری ہفتے کے تیسرے روز شدید مندی کا منفی رجحان دیکھا گیا ہے۔ بدھ کے روز مارکیٹ کا آغاز ہوتے ہی سرمایاکاروں کی جانب سے منافع کے حصول کے لیے شیئرز کی فروخت کی گئی، جس کے باعث بنچمارک KSE-100 انڈیکس میں تجارتی سیشن کے ابتدائی گھنٹوں کے دوران 600 سے زائد پوائنٹس کی بڑی کمی ریکارڈ کی گئی۔ اس مندی کے نتیجے میں 100 انڈیکس نیچے گر کر 1,68,732 پوائنٹس کی سطح پر آ گیا۔

اسٹاک مارکیٹ میں یہ مندی گزشتہ روز کی تاریخی تیزی کے بعد دیکھنے میں آئی ہے۔ واضح رہے کہ پچھلے کاروباری دن کے اختتام پر پاکستان اسٹاک ایکسچینج میں زبردست مثبت پیش رفت ہوئی تھی، جہاں 100 انڈیکس 1,421 پوائنٹس کے بڑے اضافے کے ساتھ 1,69,392 پوائنٹس کی بلند سطح پر بند ہوا تھا۔ معاشی ماہرین کے مطابق بین الاقوامی سطح پر ایندھن کی قیمتوں میں اتار چڑھاؤ اور علاقائی صورتحال کے باعث سرمایہ کار محتاط انداز اختیار کر رہے ہیں۔