پاکستان سٹاک ایکسچینج میں کاروبار کا مثبت زون میں آغاز

پاکستان اسٹاک ایکسچینج (PSX) میں نئے کاروباری ہفتے کے پہلے روز کاروبار کا آغاز مثبت رجحان کے ساتھ ہوا، جہاں شدید تیزی دیکھی گئی ہے۔ ابتدائی ٹریڈنگ کے دوران ہی 100 انڈیکس میں 800 سے زائد پوائنٹس کا شاندار اضافہ دیکھنے میں آیا، جس کے بعد انڈیکس بڑھ کر 1,71,732 پوائنٹس کی نئی تاریخی سطح پر پہنچ گیا۔

بازار میں اس زبردست بحالی اور تیزی سے سرمایہ کاروں کے اعتماد میں مزید اضافہ دیکھنے میں آ رہا ہے۔ واضح رہے کہ گزشتہ کاروباری ہفتے کے آخری روز بھی اسٹاک مارکیٹ میں زبردست پیش رفت دیکھی گئی تھی، جہاں 100 انڈیکس 1,841 پوائنٹس کے نمایاں اضافے کے ساتھ 1,70,884 پوائنٹس کی سطح پر بند ہوا تھا۔