سٹاک مارکیٹ میں اتار چڑھاؤ، کاروبار کا اختتام مثبت زون میں ہوا

پاکستان سٹاک مارکیٹ میں کاروباری ہفتے کے تیسرے روز بھی مثبت رجحان جاری رہا۔ کاروبار کے آغاز پر سٹاک ایکسچینج میں زبردست تیزی دیکھنے میں آئی اور 300 سے زائد پوائنٹس کے اضافے کے ساتھ ہنڈرڈ انڈیکس ایک لاکھ 68 ہزار 837 پوائنٹس کی سطح پر پہنچ گیا۔ ٹریڈنگ کے دوران انڈیکس میں ایک موقع پر 800 سے زائد پوائنٹس کا اضافہ بھی ریکارڈ کیا گیا، تاہم کاروباری روز کے اختتام پر 120 پوائنٹس کے اضافے کے ساتھ ہنڈرڈ انڈیکس ایک لاکھ 68 ہزار 580 پوائنٹس کی سطح پر بند ہوا۔ واضح رہے کہ گزشتہ روز بھی مارکیٹ میں شاندار تیزی دیکھی گئی تھی جس کے بعد انڈیکس مثبت زون میں برقرار ہے۔