سٹاک مارکیٹ میں شدید مندی، انڈیکس ایک لاکھ 66 ہزار پوائنٹس کی حد بھی کھو بیٹھا

کاروباری ہفتے کے پہلے روز پاکستان سٹاک مارکیٹ میں شدید منفی رجحان دیکھنے میں آیا ہے۔ ٹریڈنگ کے آغاز پر ہی سٹاک ایکسچینج میں 1200 سے زائد پوائنٹس کی کمی ریکارڈ کی گئی تھی، اور پورے دن مندی کا یہ سلسلہ برقرار رہا۔ کاروباری روز کے اختتام پر کے ایس ای 100 انڈیکس 2288 پوائنٹس کی بڑی کمی کے ساتھ ایک لاکھ 65 ہزار 867 پوائنٹس کی سطح پر بند ہوا۔ واضح رہے کہ گزشتہ کاروباری ہفتے کا اختتام ایک لاکھ 68 ہزار 155 پوائنٹس پر ہوا تھا۔