پاکستان کا ایران کی صورتحال سفارتکاری اور مذاکرات سے حل کرنے پر زور

اقوام متحدہ میں پاکستان کے مستقل مندوب عاصم افتخار نے ایران اور خطے کی موجودہ صورتحال پر تشویش کا اظہار کرتے ہوئے کہا کہ تمام تنازعات کا حل پرامن طریقے اور عالمی قوانین کے مطابق ہونا چاہیے۔

اقوام متحدہ کی سلامتی کونسل کے اجلاس سے خطاب کرتے ہوئے انہوں نے کہا کہ پاکستان ایران اور خطے کی صورت حال کا بغور جائزہ لے رہا ہے اور تمام مسائل کے پُر امن حل پر یقین رکھتا ہے۔

عاصم افتخار نے بیرونی مداخلت کو اقوام متحدہ کے چارٹر کی خلاف ورزی قرار دیا اور واضح کیا کہ خطے میں مستحکم ایران پاکستان اور خطے کے مفاد میں ہے۔ انہوں نے امید ظاہر کی کہ ایران کی صورتحال جلد نارمل ہوگی اور بیرونی دباؤ اور اندرونی ہنگامہ آرائی ختم ہوگی۔