پاک ایران تجارتی تعاون میں اہم پیشرفت، اعلیٰ سطح کا ایرانی وفد آج اسلام آباد پہنچے گا

پاکستان اور ایران کے درمیان اقتصادی اور تجارتی روابط کو فروغ دینے کے لیے ایران کا 22 رکنی اعلیٰ سطح کا سرکاری وفد اسلام آباد پہنچ گیا ہے۔ دونوں ممالک کے درمیان 10ویں مشترکہ تجارتی کمیٹی کا اجلاس اسلام آباد میں منعقد ہوگا، جس کی مشترکہ صدارت پاکستان کے وفاقی وزیرِ تجارت جام کمال اور ایرانی وزیرِ صنعت، کان و تجارت محمد اتابک کریں گے۔ اس اہم اجلاس میں ایران چیمبر آف کامرس کا 16 رکنی کاروباری وفد بھی شرکت کر رہا ہے۔ اجلاس کے دوران پاک ایران آزاد تجارتی معاہدے (FTA) پر پیش رفت، تجارتی و سرمایه‌ کاری کے مواقع، کسٹمز، بینکاری تعاون اور سرحدی تجارتی روابط کو وسعت دینے کے ساتھ ساتھ نجی شعبے کے مابین روابط قائم کرنے اور آئندہ کا مشترکہ لائحہ عمل طے کرنے پر تبادلہ خیال کیا جائے گا۔