پرو ہاکی لیگ: قومی ٹیم کا دوسرا راونڈ اسکواڈ اعلان

سیکرٹری پاکستان ہاکی فیڈریشن (پی ایچ ایف) رانا مجاہد اور ہیڈ کوچ طاہر زمان نے پرو ہاکی لیگ کے دوسرے راونڈ کے لیے قومی ہاکی ٹیم کا اعلان کر دیا ہے۔ محمد عماد بٹ گرین شرٹس کی قیادت کریں گے۔ پرو لیگ کے 20 رکنی اسکواڈ میں چھ آفیشلز شامل ہیں اور یہ اسکواڈ ورلڈ کپ کوالیفائرز میں بھی نمائندگی کرے گا۔

اس بار اسکواڈ میں دو تبدیلیاں کی گئی ہیں: گول کیپر عبد اللہ اشتیاق کی جگہ علی رضا، اور منان رضا کی جگہ عمیر ستار شامل کیے گئے ہیں۔ دیگر کھلاڑیوں میں منیب الرحمن، ارشد لیاقت، محمد عبداللہ، سفیان خان، ارباز احمد، حماد انجم، معید شکیل، غضنفر علی، ذکریا لیاقت، حنان شاہد، رانا وحید، ندیم احمد، عبدالرحمان، رانا ولید، افراز اور ابوبکر شامل ہیں۔

ٹیم کے آفیشلز میں طاہر زمان، محد عثمان، ذیشان اشرف، ندیم لودھی، محمد اسلم اور عدیل شامل ہوں گے۔ پاکستان کی ٹیم پرو لیگ کے لیے دو فروری کو آسٹریلیا روانہ ہوگی۔