پٹرول 4 روپے 8 پیسے، ڈیزل 2 روپے 45 پیسے فی لٹر سستا

وفاقی حکومت نے عوام کو ریلیف فراہم کرتے ہوئے پٹرولیم مصنوعات کی قیمتوں میں کمی کا باضابطہ اعلان کر دیا ہے۔ پٹرولیم ڈویژن کے مطابق پٹرول کی قیمت میں 4 روپے 8 پیسے فی لٹر کمی کی گئی ہے، جس کے بعد پٹرول کی نئی قیمت 331 روپے 95 پیسے فی لٹر مقرر ہو گئی ہے۔ اسی طرح ہائی اسپیڈ ڈیزل کی قیمت میں 2 روپے 45 پیسے فی لٹر کمی کی گئی ہے، جس سے ڈیزل کی نئی قیمت 389 روپے 93 پیسے فی لٹر پر آ گئی ہے۔ پٹرولیم ڈویژن کے ذرائع کا کہنا ہے کہ نئی قیمتوں کا اطلاق نوٹیفکیشن جاری ہوتے ہی رات 12 بجے کے بعد سے ہو گا۔ حکومت کے مطابق قیمتوں میں یہ کمی عالمی منڈی میں خام تیل کی قیمتوں میں اتار چڑھاؤ کے پیشِ نظر کی گئی ہے، جس سے ٹرانسپورٹ کے کرایوں اور روزمرہ اشیاء کی قیمتوں میں کمی کا امکان ہے۔