وزیراعظم کوپ 31 سربراہی اجلاس میں شرکت کے لیے انطالیہ پہنچ گئے

وزیراعظم شہباز شریف اقوام متحدہ کے فریم ورک کنونشن برائے موسمیاتی تبدیلی کے تحت منعقد ہونے والی فریقین کی 31ویں کانفرنس (کوپ 31) کے عالمی رہنماؤں کے سربراہی اجلاس میں شرکت کے لیے ترکیہ کے شہر انطالیہ پہنچ گئے ہیں۔

انطالیہ ایئرپورٹ پہنچنے پر ترکیہ کے نائب وزیر برائے ثقافت و سیاحت گوکھان یازگی، ترکیہ میں پاکستان کی نامزد سفیر آمنہ بلوچ اور دیگر اعلیٰ حکام نے وزیراعظم کا گرمجوش استقبال کیا۔ اپنے دورے کے دوران وزیراعظم کوپ 31 کے سربراہی اجلاس اور قابل تجدید توانائی میں منتقلی سے متعلق اعلیٰ سطحی گفتگو سے خطاب کریں گے، جس میں وہ پاکستان کی موسمیاتی ترجیحات اور عالمی برادری کی فوری ذمہ داریوں پر روشنی ڈالیں گے۔

دورے کے موقع پر وزیراعظم کی ترکیہ کے صدر رجب طیب اردوان سمیت دیگر عالمی رہنماؤں سے اہم دوطرفہ ملاقاتیں بھی متوقع ہیں۔ کانفرنس کے دوران قائم کردہ ‘پاکستان پویلین’ میں موسمیاتی اقدامات پر مبنی 54 مختلف تقریبات منعقد کی جائیں گی۔