ملکی زرمبادلہ ذخائر میں 8 کروڑ 13 لاکھ ڈالر کا اضافہ

اسٹیٹ بینک آف پاکستان کی جانب سے جاری کردہ اعداد و شمار کے مطابق ملکی زرمبادلہ کے مجموعی ذخائر میں 8 کروڑ 13 لاکھ ڈالر کا نمایاں اضافہ ریکارڈ کیا گیا ہے، جس کے بعد ملک کے مجموعی ذخائر بڑھ کر 22 ارب 58 کروڑ 74 لاکھ ڈالر کی سطح پر پہنچ گئے ہیں۔ رپورٹ کے مطابق اسٹیٹ بینک کے اپنے زرمبادلہ کے ذخائر میں ایک کروڑ 66 لاکھ ڈالر کا اضافہ ہوا، جس کے بعد مرکزی بینک کے پاس موجود ذخائر کا حجم 17 ارب 9 کروڑ 85 لاکھ ڈالر ہو گیا ہے۔ اس کے علاوہ کمرشل بینکوں کے زرمبادلہ ذخائر بھی 6 کروڑ 47 لاکھ ڈالر کے اضافے کے ساتھ 5 ارب 48 کروڑ 89 لاکھ ڈالر کی سطح پر پہنچ گئے ہیں، جو ملکی معیشت اور مالیاتی استحکام کے لیے ایک مثبت اشاریہ ہے