پاک امریکا فوجی مشق ’’انسپائرڈ گیمبٹ‘‘کا8واں روز

امریکی ناظم الامور نٹالی بیکر اور اعلیٰ عسکری حکام نےپبی میں جاری مشق کا معائنہ کیا۔مشق کے دوران دونوں افواج کے دستوں نے اعلیٰ پیشہ ورانہ مہارت اور ہم آہنگی کا مظاہرہ کیا۔۔۔۔اس سلسلے میں نیشنل کاؤنٹر ٹیررازم سینٹر پبی میں معزز مہمانوں کے لیے تقریب منعقدکی گئی اورشرکا کو مشق کے دائرہ کار، مقاصد اور طریقہ کار پر تفصیلی بریفنگ دی گئی۔۔۔۔مشق 16جنوری تک جاری رہے گی۔ نو روز پرمحیط مشق انسداد دہشت گردی کی پیشہ ورانہ صلاحیتوں کے فروغ پر مرکوزہے۔اس کااہم مقصد انسداد دہشت گردی تجربات کا تبادلہ اور باہمی تعاون کا فروغ ہے۔۔۔واضح رہے کہ پاکستان اور امریکا کی افواج کے درمیان یہ تربیتی سلسلے کی 1995 سے جاری تیرہویں مشق ہے۔