اداکار عمر عالم اور فضا مسرور رشتہ ازدواج میں بندھ گئے، نکاح کی تصاویر وائرل

پاکستان شوبز انڈسٹری کے معروف اداکار عمر عالم نے شادی کے بندھن میں بندھ کر سب کو خوشخبری سنائی ہے۔
ان کا نکاح فضا مسرور کے ساتھ ہوا، جس کی تقریب انتہائی سادگی کے ساتھ منعقد کی گئی، اور صرف قریبی رشتےداروں اور دوستوں نے شرکت کی۔
نکاح کی تقریب میں اداکار نے ہلکے آسمانی رنگ کا لباس پہنا، جبکہ دلہن گلابی رنگ کے عروسی جوڑے میں جلوہ گر نظر آئیں۔
شادی کے موقع پر جوڑے نے سمندر کنارے فوٹو شوٹ کروایا، جس میں دونوں کو مختلف انداز میں پوز کرتے دیکھا جا سکتا ہے۔
عمر عالم نے تصاویر انسٹاگرام پر شیئر کیں، جس پر مداحوں نے انہیں نیک تمناؤں کا اظہار کیا۔
واضح رہے کہ عمر عالم نے اپنی اہلیہ کو ایک فضائی سفر کے دوران جہاز میں منفرد انداز میں پروپوز کیا تھا، جس کی ویڈیو سوشل میڈیا پر وائرل ہوئی تھی۔