LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پنجاب کے ہر ضلع میں کیتھ لیب، چلڈرن ہسپتال قائم کرنا چاہتے ہیں: مریم نواز معاشی ترقی کی باگ ڈور نجی شعبے کو دینا ہوگی: مشیر نجکاری محمد علی کراچی: لانڈھی میں گھر کے اندر فائرنگ، خاتون سمیت 3 افراد جاں بحق پاکستان سٹاک مارکیٹ میں کاروبار کے آغاز پر مثبت رجحان اسلام آباد پولیس کی SWAT فورس کو 20 نئی گاڑیاں فراہم کر دی گئیں پاکستان اور مالدیپ کے درمیان بحری تجارت اور تعاون بڑھانے پر اتفاق خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل مدارس و جدید تعلیمی نظام میں ہم آہنگی وقت کی اہم ضرورت ہے: احسن اقبال خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل مدارس و جدید تعلیمی نظام میں ہم آہنگی وقت کی اہم ضرورت ہے: احسن اقبال پاکستان اور مالدیپ کے درمیان بحری تجارت اور تعاون بڑھانے پر اتفاق اسلام آباد پولیس کی SWAT فورس کو 20 نئی گاڑیاں فراہم کر دی گئیں سعودیہ نے ریاض کے بلند ترین ٹاور متاثر ہونے کی تصدیق کردی سلامتی کونسل کالعدم بی ایل اے اور مجید بریگیڈ پر پابندیاں لگائے: چین افغانستان میں دہشتگرد گروہوں سے رکن ممالک کو خطرہ ہے: سربراہ سلامتی کونسل

مس یونیورس ویتنام سے 48 روز بعد ہی تاج واپس لے لیا گیا

Web Desk

20 November 2026

مس یونیورس ویتنام 2026ء کا خطاب جیتنے والی ماڈل کوئن آئن نگوین (Quynh Anh Nguyen) سے مبینہ ضابطۂ اخلاق کی خلاف ورزیوں اور جاری تنازعات کے باعث تاج واپس لے لیا گیا ہے، جبکہ مقابلے کی انتظامیہ نے ماڈل پر 6 ماہ کی پابندی عائد کرنے کے بعد یہ حتمی فیصلہ کیا ہے۔

مقابلے کی منتظم کمپنی ’فائیو سکس انٹرٹینمنٹ‘ کے جنرل ڈائریکٹر فام دوی خانح نے اپنے ایک بیان میں کہا کہ کوئن آئن نگوین کو انتظامیہ کی پیشگی اجازت کے بغیر مختلف نجی و عوامی تقریبات میں شرکت کرتے ہوئے دیکھا گیا، جس سے مقابلے کی ساکھ اور تشخص بری طرح متاثر ہوا۔

اس تنازع کا آغاز گزشتہ ماہ اکتوبر میں اس وقت ہوا تھا جب سوشل میڈیا پر مبینہ طور پر نگوین اور مقابلے کی پہلی رنر اپ ترن مائی انہ کے درمیان ہونے والی نجی گفتگو کے اسکرین شاٹس وائرل ہوئے، جن میں انہوں نے مقابلۂ حسن سے وابستہ دیگر شخصیات کے بارے میں نامناسب تبصرے کیے تھے، جس کے بعد مائی انہ نے عوامی سطح پر معذرت بھی کر لی تھی۔

انتظامیہ کے مطابق 12 اکتوبر کو ان پیغامات کی باضابطہ تحقیقات شروع کرنے کا اعلان کیا گیا تھا، جبکہ 25 اکتوبر کو نگوین کو 6 ماہ کے لیے مقابلے کی تمام سرگرمیوں سے معطل کر دیا گیا تھا۔ منتظمین کا کہنا ہے کہ نگوین نے اپنی ذہنی صحت سے متعلق مسائل کا حوالہ دیتے ہوئے آرام اور علاج کے لیے وقت مانگا تھا اور معاہدے کی ذمہ داریاں پوری کرنے سے بھی معذوری ظاہر کی تھی، تاہم اس کے باوجود وہ مختلف تقریبات میں شرکت کی دعوتیں قبول کرتی رہیں۔

واضح رہے کہ کوئن آئن نگوین کو اس سے قبل بھی مس یونیورس 2026ء کے عالمی مقابلے میں ویتنام کی نمائندگی کے لیے نااہل قرار دیا جا چکا تھا، جس کی بنیادی وجہ ویتنام میں مس یونیورس مقابلے کے انعقاد کے حقوق پر جاری تنازع تھی۔ اس فیصلے کے بعد ویتنام 12 سال میں پہلی بار مس یونیورس کے عالمی مقابلے میں اپنا کوئی امیدوار نہیں بھیجے گا، اس سے قبل ویتنام نے آخری بار 2014ء میں اس عالمی مقابلے میں شرکت نہیں کی تھی۔