شارجہ کتاب میلے میں عمان کا روایتی ’’رزفہ‘‘ رقص، خصوصی نظم پیش

شارجہ انٹرنیشنل بک فیئر کے 45ویں ایڈیشن میں سلطنتِ عمان کے فنکاروں نے روایتی ثقافتی رقص اور خصوصی شاعرانہ پیشکش کے ذریعے شارجہ کے حکمران اور سپریم کونسل کے رکن عزت مآب شیخ ڈاکٹر سلطان بن محمد القاسمی کو منفرد خراجِ تحسین پیش کیا۔ شارجہ بک اتھارٹی کے مطابق عمان کے معروف ثقافتی گروپ ’’بن داؤد للفنون الشعبیہ‘‘ نے روایتی لباس میں ملبوس ہو کر مشترکہ خلیجی فن ’’رزفہ‘‘ کا شاندار مظاہرہ کیا اور عمانی شاعر ناصر البادی کی خصوصی نظم ’’سلام لک یا شیخ سلطان‘‘ (سلام ہو آپ پر شیخ سلطان) پیش کی، جس میں حاکمِ شارجہ کی خدمات اور عمانی عوام کی جانب سے ان کے لیے عقیدت و احترام کے جذبات اجاگر کیے گئے۔ واضح رہے کہ رواں سال شارجہ انٹرنیشنل بک فیئر میں سلطنتِ عمان کو مہمانِ اعزاز کی حیثیت حاصل ہے، جہاں عمانی ادب، تاریخ اور ثقافت کو اجاگر کرنے والی اس پیشکش نے کتاب میلے کے زائرین کی بھرپور توجہ حاصل کی اور دونوں برادر خلیجی ممالک کے گہرے ثقافتی رشتوں کی عکاسی کی۔