خاندانی مقدمات کی ای فائلنگ کا آزمائشی منصوبہ شروع کرنے کا فیصلہ

چیف جسٹس آف پاکستان جسٹس یحییٰ آفریدی کی زیرِ صدارت قومی عدالتی پالیسی ساز کمیٹی کا اجلاس منعقد ہوا جس میں صوبائی بار کونسلز، اسلام آباد بار کونسل اور سپریم کورٹ بار ایسوسی ایشن کے نمائندگان سے مشاورت کے بعد خاندانی مقدمات کی ای فائلنگ کا آزمائشی منصوبہ منتخب عدالتی مقامات پر شروع کرنے اور ویمن فیسیلی ٹیشن سینٹرز کے قیام کا فیصلہ کیا گیا۔ اجلاس میں قومی یکساں ای فائلنگ اور الیکٹرانک عدالتی ریکارڈ نظام کے تحت تیار کردہ مجوزہ ٹیمپلیٹس کا جائزہ لیا گیا جبکہ چیف جسٹس نے تمام صوبائی اور اسلام آباد بار کونسلز سے دو، دو وکلاء نامزد کرنے کی درخواست کی تاکہ آزمائشی منصوبے کے آغاز سے قبل پریکٹس کرنے والے وکلاء کی تجاویز کی روشنی میں نظام کو مزید عملی، مؤثر اور سائلین کے لیے آسان بنایا جا سکے۔ اس موقع پر بار نمائندگان نے ان اصلاحات کا خیرمقدم کرتے ہوئے کہا کہ ان اقدامات سے بالخصوص خواتین اور بچوں کے لیے انصاف تک رسائی بہتر بنانے اور ٹیکنالوجی کے ذریعے عدالتی خدمات کو جدید خطوط پر استوار کرنے میں مدد ملے گی۔