یوکرین کے معاملے پر یورپ کو واضح اور متحدہ مؤقف اختیار کرنا ہوگا: میکرون

فرانسیسی صدر ایمانوئل میکرون نے کہا ہے کہ یوکرین کے معاملے پر یورپ کو ایک واضح اور متحدہ مؤقف اختیار کرنا ہوگا اور خطے کے مستقبل کے لیے مشترکہ وژن اپنانا ناگزیر ہے۔ اپنے بیان میں صدر میکرون کا کہنا تھا کہ یورپ کو روس کے ساتھ مذاکرات کا عمل دوبارہ شروع کرنا چاہیے اور اس مقصد کے لیے یورپی ممالک کو خود پہل کرنا ہوگی، جبکہ یورپ کو اپنا سکیورٹی ڈھانچہ اور اصول بھی خود تشکیل دینے چاہئیں۔ دوسری جانب فرانسیسی صدر نے یورپ بھر میں بم دھماکوں کی دھمکیوں اور جعلی الرٹس پر شدید تشویش کا اظہار کرتے ہوئے اس صورتحال کا جائزہ لینے کے لیے دفاعی اور سکیورٹی کونسل کا اجلاس بلانے کا اعلان کیا، تاہم انہوں نے واضح کیا کہ فرانس میں ملنے والی بم دھماکوں کی دھمکیوں کے پیچھے تاحال کسی بیرونی عنصر کے ملوث ہونے کا کوئی ثبوت نہیں ملا ہے۔