کراچی میں تیسرے ورلڈ کلچرل فیسٹیول کے تحت بین الاقوامی آرٹ نمائش کا افتتاح

آرٹس کونسل آف پاکستان کراچی کے زیرِ اہتمام جاری تیسرے ورلڈ کلچرل فیسٹیول کے سلسلے میں عالمی شہرت یافتہ بین الاقوامی آرٹ نمائش کا باقاعدہ افتتاح کر دیا گیا ہے، جس کا افتتاح صوبائی وزیر بلدیات سندھ سید ناصر حسین شاہ نے صدر آرٹس کونسل محمد احمد شاہ کے ہمراہ کیا۔ احمد پرویز آرٹ گیلری میں سجی اس نمائش میں 19 پاکستانی اور 11 بین الاقوامی مصوروں و دیواری فنکاروں کے تخلیقی فن پارے پیش کیے گئے ہیں، جن میں مقامی فنکاروں عابد اسلم، رمشا ربانی، جاوید مغل، انعم اشرف، فضل الٰہی خان، عبدالملک چنا، نصیب خان، کاشف شہزاد، منظور علی سولنگی، یسریٰ شیخ، شرجیل بلوچ، امیمہ خان، زویا عباس، حسنین نوناری، انور کاشف، عاقب فیض، زلیخا، سمرا خان اور بھاونا کا کام شامل ہے۔ اسی طرح بین الاقوامی سطح پر موزمبیق کے لوئس سانتوس، برازیل کی وکٹوریہ سانتوس، یونان کی صوفیہ زیناکیس اور اگلایا پیراکی، ایران کے سید رسول آقامیری اور رقیہ آناقیزی سمیت عالمی شہرت یافتہ دیواری مصوروں کولمبیا کے جان رامیریز، امریکا کے ایوریٹ باربی اور اٹلی کے ایڈورڈو ایٹورے کے فن پارے شائقینِ فن کی توجہ کا مرکز بنے ہوئے ہیں، جبکہ یہ نمائش 12 سے 16 نومبر تک جاری رہے گی۔