امریکہ ایران کشیدگی کے اثرات، عالمی مارکیٹ میں خام تیل کی قیمتوں میں معمولی اضافہ

امریکہ اور ایران کے درمیان جاری کشیدگی کے اثرات عالمی مارکیٹ میں نظر آئے اور خام تیل کی قیمتوں میں آج معمولی اضافہ دیکھنے میں آیا۔ برینٹ کروڈ فیوچر میں چھ سینٹ کا اضافہ ریکارڈ کیا گیا اور یہ چھیاسٹھ اعشاریہ چھتیس ڈالر فی بیرل پر پہنچ گیا۔

تجزیہ کاروں کے مطابق سرمایہ کار امریکی اور ایرانی تعلقات میں ممکنہ کمی کے امکانات کا جائزہ لے رہے ہیں، جبکہ مضبوط امریکی ڈالر نے قیمتوں میں اضافے کی رفتار کو محدود رکھا۔ پیر کے روز خام تیل کی قیمتوں میں چار فیصد سے زیادہ کمی واقع ہوئی تھی، جب امریکی صدر ڈونلڈ ٹرمپ نے کہا کہ ایران واشنگٹن کے ساتھ سنجیدہ بات چیت کر رہا ہے، جسے اوپیک کے رکن ممالک کے درمیان کشیدگی میں کمی کے اشارے کے طور پر دیکھا گیا۔

اطلاعات کے مطابق ایران اور امریکہ جمعہ کو ترکی میں جوہری مذاکرات دوبارہ شروع کر سکتے ہیں، تاہم ٹرمپ نے خبردار بھی کیا کہ اگر معاہدہ نہ طے پایا تو صورتحال خراب ہو سکتی ہے۔ اس کے پیشِ نظر سرمایہ کار محتاط رویہ اختیار کر رہے ہیں، جس سے عالمی خام تیل کی مارکیٹ میں معمولی اتار چڑھاؤ دیکھنے میں آ رہا ہے۔