نمرہ خان نے پردہ ہٹا دیا، شوہر کی شناخت سامنے آگئی

اداکارہ نمرہ خان نے سوشل میڈیا ایپ انسٹاگرام پر اپنے نکاح کی تصاویر جاری کرتے ہوئے اپنی دوسری شادی کی تصدیق کر دی ہے۔ اداکارہ نے انکشاف کیا ہے کہ ان کے جیون ساتھی پیشے کے لحاظ سے ایک پائلٹ اور کیپٹن ہیں۔ نکاح کی تقریب کے لیے نمرہ خان نے سنہرے کڑھائی والے سفید روایتی لباس کا انتخاب کیا، جبکہ ان کے شوہر بھی سفید شلوار قمیض اور سنہرے کوٹ میں نظر آئے۔ اس سے قبل انہوں نے پیرس سے اپنے فوٹو شوٹ کی تصاویر شیئر کی تھیں جن میں انہوں نے شوہر کا چہرہ چھپایا تھا، تاہم اب انہوں نے باقاعدہ طور پر اپنے شوہر کے ہمراہ تصاویر پوسٹ کر دی ہیں۔ یاد رہے کہ نمرہ خان کی پہلی شادی 2020 میں ہوئی تھی جو جلد ہی ختم ہو گئی تھی۔