عوام کو نئے سال کا تحفہ: ایل پی جی کی قیمت میں اضافہ

اسلام آباد: نئے سال کے آغاز پر آئل اینڈ گیس ریگولیٹری اتھارٹی (اوگرا) نے ایل پی جی کی قیمتوں میں اضافہ کر دیا ہے۔

اوگرا کی جانب سے جاری نوٹیفکیشن کے مطابق ایل پی جی کی فی کلو قیمت میں 10 روپے 68 پیسے اضافہ کیا گیا ہے، جس کے بعد نئی قیمت 219 روپے 67 پیسے فی کلو مقرر کر دی گئی ہے۔ دسمبر میں ایل پی جی کی فی کلو قیمت 209 روپے تھی۔

قیمتوں میں اضافے کے باعث گھریلو ایل پی جی سلنڈر کی قیمت میں 126 روپے 9 پیسے اضافہ ہو گیا ہے۔ اوگرا کے مطابق نئی قیمتوں کا اطلاق آج رات 12 بجے سے ہو گا۔

نوٹیفکیشن کے مطابق جنوری کے لیے گھریلو ایل پی جی سلنڈر کی نئی قیمت 2592 روپے 19 پیسے مقرر کی گئی ہے، جبکہ دسمبر میں گھریلو سلنڈر کی قیمت 2466 روپے 10 پیسے تھی۔