نواز شریف، خواجہ آصف اور مریم نواز نے علامہ اقبال انٹرنیشنل ایئرپورٹ کا سٹیٹ لاوئنج افتتاح کر دیا

لاہور میں مسلم لیگ ن کے صدر نواز شریف، وزیر دفاع خواجہ آصف اور وزیر اعلیٰ مریم نواز نے علامہ اقبال انٹرنیشنل ایئرپورٹ کا سٹیٹ لاوئنج افتتاح کیا۔ قائدین نے تعمیر نو کے بعد نئے لاوئنج کا دورہ کیا اور اس کی جدت طرازی اور خوبصورت ڈیزائن کا جائزہ لیا۔

تقریب میں سیکرٹری ڈیفنس محمد علی نے مہمانان گرامی اور شرکاء کا خیر مقدم کیا، جبکہ پاکستان ایئرپورٹ اتھارٹی کے ڈی جی ایئروائس مارشل ذیشان سعید نے ایئرپورٹ کی اپ گریڈیشن اور سٹیٹ لاوئنج کے منصوبے سے بریفنگ دی۔

راوی لاوئنج، داخلی لابی، مین ہال اور دیگر حصوں کی تعمیر نو کے بعد سٹیٹ لاوئنج کو جدید طرز کے مطابق نئی شکل دی گئی ہے، جس سے مسافروں کو بہتر سہولیات اور آرام دہ ماحول فراہم کیا جائے گا۔