نعمان مسعود کی وزیراعظم اور وزیراعلیٰ پنجاب سے اہم اپیل

پاکستانی اداکار نعمان مسعود نے انسٹاگرام پر ایک ویڈیو پیغام کے ذریعے وزیراعظم شہباز شریف اور وزیراعلیٰ پنجاب مریم نواز سے ریسٹورنٹ انڈسٹری کے مسائل حل کرنے کی درخواست کی ہے۔ انہوں نے بتایا کہ رات گئے کاروبار بند کرنے کی پابندی سے نہ صرف مالکان بلکہ ہزاروں ملازمین کا روزگار بھی داؤ پر لگ گیا ہے۔ نعمان مسعود کے مطابق گرمیوں کے موسم میں خاندان رات گئے ہی تفریح کے لیے باہر نکلتے ہیں، ایسے میں جلد بندش سے کاروبار مفلوج ہو کر رہ گیا ہے، جس کی وجہ سے اب ملازمین کی تنخواہیں دینا بھی ایک بڑا چیلنج بن چکا ہے۔