قومی بچت کی اسکیموں پر شرح منافع میں اضافہ، نوٹیفکیشن جاری

حکومت کی جانب سے قومی بچت کی مختلف اسکیموں پر شرح منافع میں اضافے کا باضابطہ نوٹیفکیشن جاری کر دیا گیا ہے۔ جاری کردہ نوٹیفکیشن کے مطابق ڈیفنس سیونگز سرٹیفکیٹ پر منافع کی شرح 19 بیسس پوائنٹس اضافے کے ساتھ 11.80 فیصد ہو گئی ہے، جبکہ بہبود اور پنشن سرٹیفکیٹ پر شرح منافع 12 بیسس پوائنٹس اضافے کے بعد 12.72 فیصد مقرر کی گئی ہے۔ اسی طرح ریگولر انکم سرٹیفکیٹ پر منافع 60 بیسس پوائنٹس اضافے سے 11.76 فیصد اور اسپیشل سیونگز سرٹیفکیٹ پر 74 بیسس پوائنٹس اضافے کے ساتھ 11.82 فیصد ہو گیا ہے۔ دوسری جانب سروا اسلامک ٹرم اکاؤنٹ (تین سال) پر شرح منافع 41 بیسس پوائنٹس اضافے سے 11.57 فیصد اور سروا (پانچ سال) پر 54 بیسس پوائنٹس اضافے کے بعد 11.70 فیصد تک پہنچ گئی ہے۔