نیب کی 2026 کی دوسری سہ ماہی میں 2.45 ٹریلین روپے ریکارڈ ریکوری

قومی احتساب بیورو (NAB) نے سال 2026 کی دوسری سہ ماہی کے دوران 02 ہزار 452 ارب روپے (2.45 ٹریلین روپے) کی ریکارڈ ریکوری کی ہے، جس سے سال 2026 کی پہلی ششماہی کی مجموعی ریکوری 05 ہزار 414 ارب روپے (5.41 ٹریلین روپے) کی تاریخی سطح پر پہنچ گئی ہے۔ اس دوران بلوچستان، سندھ، پنجاب اور اسلام آباد میں 10 لاکھ 78 ہزار 283 ایکڑ سے زائد قیمتی سرکاری زمین بھی واگزار کرائی گئی۔ صوبائی سطح پر نیب سکھر نے 08 لاکھ 53 ہزار 678 ایکڑ اراضی (01 ٹریلین روپے سے زائد مالیت)، نیب بلوچستان نے 02 لاکھ 09 ہزار 544 ایکڑ (604.64 ارب روپے)، نیب کراچی نے 11 ہزار 422 ایکڑ (467.11 ارب روپے)، نیب لاہور نے 01 ہزار 909 ایکڑ (288.29 ارب روپے)، نیب اسلام آباد نے 810 ایکڑ (66.63 ارب روپے) اور نیب ملتان نے 920 ایکڑ اراضی (02.76 ارب روپے مالیت) باالترتیب واگزار کرائی۔ نیب نے ہاؤسنگ اور مالیاتی فراڈ کے 24 ہزار 365 سے زائد متاثرین کو 42 ارب 30 کروڑ روپے سے زائد کے اثاثے منتقل کیے جبکہ مارچ 2023 سے جون 2026 تک مجموعی طور پر 16 ہزار 938 ارب روپے (16.94 ٹریلین روپے) کی ریکوری کی جا چکی ہے۔ ادارہ اب کاغذی کارروائی سے پاک ای آفس اور مصنوعی ذہانت (AI) و مشین لرننگ ٹیکنالوجی پر منتقل ہو چکا ہے۔