اداکارہ مومنہ اقبال کی جلد شادی بارے خبریں زیر گردش

پاکستانی شوبز انڈسٹری کی معروف اداکارہ مومنہ اقبال کے بارے میں سوشل میڈیا پر یہ خبریں گردش کرنے لگی ہیں کہ وہ جلد رشتہ ازدواج میں منسلک ہونے والی ہیں۔ سوشل میڈیا کے مختلف پیجز پر یہ دعویٰ کیا جا رہا ہے کہ اداکارہ کی شادی کی تیاریاں مکمل ہیں اور ان کے قریبی عزیز و اقارب کو دعوت نامے بھی موصول ہونا شروع ہو گئے ہیں۔

اگرچہ ان خبروں میں دولہا کی شناخت کے بارے میں زیادہ تفصیلات فراہم نہیں کی گئی ہیں، تاہم یہ بات سامنے آئی ہے کہ اداکارہ کے ہونے والے جیون ساتھی کا تعلق شوبز انڈسٹری سے نہیں ہے۔ ذرائع کا یہ بھی کہنا ہے کہ مومنہ اقبال اپنی شادی کی تقریب کے بعد خود سوشل میڈیا کے ذریعے مداحوں کے ساتھ تصاویر شیئر کریں گی۔

اداکارہ کی جانب سے تاحال ان خبروں کی باقاعدہ تصدیق یا تردید سامنے نہیں آئی ہے، لیکن ان کے مداحوں نے ابھی سے سوشل میڈیا پر انہیں مبارکبادیں دینے اور ان کی نئی زندگی کے لیے نیک تمناؤں کا اظہار کرنے کا سلسلہ شروع کر دیا ہے۔ مومنہ اقبال اپنی بہترین اداکاری اور خوبصورتی کی بدولت مداحوں میں بے حد مقبول ہیں۔