میلیسا بریرا نے دباؤ کے باوجود فلسطین کی حمایت پر ڈٹے رہنے کا اعلان کردیا

میکسیکن نژاد امریکی اداکارہ میلیسا بریرا نے نیویارک میں ایک حالیہ انٹرویو کے دوران انکشاف کیا ہے کہ فلسطین کے حق میں سوشل میڈیا پر آواز بلند کرنے کی وجہ سے انہیں پیشہ ورانہ سطح پر شدید مشکلات کا سامنا کرنا پڑا۔ اکتوبر 2023 کے بعد انسانی حقوق کے حوالے سے ان کے کھل کر بات کرنے کو بنیاد بنا کر انہیں مشہور فلمی فرنچائز ‘Scream 7’ سے نکال دیا گیا اور ان کی ٹیلنٹ ایجنسی WME نے بھی ان سے تعلق ختم کر لیا۔ ان پر عائد کردہ یہود دشمنی کے الزامات کو مسترد کرتے ہوئے اداکارہ نے واضح کیا کہ ان کا موقف خالصتاً انسانیت، امن اور آزادی کے لیے ہے اور وہ کسی بھی قیمت پر خاموش رہنے کو تیار نہیں ہیں۔