اسلام آباد میں مکان سے بھاری مقدار میں حرام جانوروں کا گوشت برآمد، مقدمہ درج
Web Desk
18 November 2026
وفاقی دارالحکومت اسلام آباد میں حرام اور غیر قانونی گوشت کی تیاری و فروخت میں ملوث ایک بڑے اور منظم نیٹ ورک کا انکشاف ہوا ہے، جہاں فوڈ اتھارٹی اور پولیس نے بروقت کارروائی کرتے ہوئے بھاری مقدار میں ممنوعہ گوشت برآمد کر کے تلف کر دیا۔
فوڈ اتھارٹی کے ذرائع کے مطابق 16 نومبر کی رات تقریباً ساڑھے نو بجے اسلام آباد فوڈ اتھارٹی اور پولیس کی مشترکہ ٹیم نے خفیہ اطلاع پر تھانہ گولڑہ کی حدود میں واقع سیکٹر ڈی-14 کے ایک مکان پر چھاپہ مارا۔ کارروائی کے دوران موقع سے تقریباً 800 کلوگرام حرام اور ممنوعہ گوشت برآمد کیا گیا، جو ابتدائی اطلاعات کے مطابق گدھے اور کتوں کا تھا۔
مکان کی تفصیلی تلاشی کے دوران 12 زندہ گدھے، ایک مردہ گدھا، 5 زندہ کتے، 17 کچھوے، ایک گیڈر اور ایک نایاب پینگولین بھی برآمد کیے گئے۔ حکام کے مطابق برآمد شدہ گوشت اور ان جانوروں کی ترسیل و سپلائی کے حوالے سے کوئی قانونی ریکارڈ، لائسنس یا ضلعی انتظامیہ کا اجازت نامہ موجود نہیں تھا۔
فوڈ اتھارٹی حکام نے بتایا کہ برآمد ہونے والے 800 کلوگرام حرام گوشت کو شہریوں کی صحت کے تحفظ کے پیشِ نظر موقع پر ہی سائنسی طریقے سے تلف کر دیا گیا ہے۔ دوسری جانب تمام زندہ جانوروں کو تحویل میں لے کر محکمہ وائلڈ لائف کے حوالے کر دیا گیا ہے جبکہ متعلقہ مکان کو سربمہر (سیل) کر دیا گیا۔ حکام کے مطابق چھاپے کے وقت مکان میں کوئی ملزم موجود نہیں تھا، تاہم نیٹ ورک میں ملوث عناصر کی گرفتاری کے لیے مزید تحقیقات اور چھاپوں کا سلسلہ جاری ہے۔
متعلقہ عنوانات
معاشی استحکام اور برآمدی مسابقت پائیدار ترقی کیلئے ضروری ہے: گورنر سٹیٹ بینک
18 November 2026
ریفرنڈم کوئی غیر آئینی مطالبہ نہیں جمہوری راستہ ہے: طارق فضل چوہدری
18 November 2026
پمز میں تحقیقات کیلئے ایف آئی اے کا چھاپہ، ریکارڈ فراہم کردیا گیا: ترجمان
18 November 2026
محمود خان اچکزئی سے راجہ ناصر عباس اور مصطفیٰ نواز کھوکھر کی ملاقات
18 November 2026
وزارت خارجہ میں گندھارا سٹریٹجک ڈائیلاگ کا آغاز، آٹھ ایشیائی ممالک کے وفود شریک
18 November 2026
فضائی آلودگی، لاہور دنیا بھر میں دوسرے جبکہ کراچی ساتویں نمبر پر
18 November 2026
حکومت نے پٹرولیم مصنوعات کی قیمتوں میں مزید کمی کردی
18 November 2026
امریکہ میں کم عمر بچی کو آن لائن جنسی استحصال کی دھمکیاں دینے والا ملزم گرفتار
18 November 2026