وزارت خارجہ میں گندھارا سٹریٹجک ڈائیلاگ کا آغاز، آٹھ ایشیائی ممالک کے وفود شریک
Web Desk
18 November 2026
وزارتِ خارجہ میں ’’گندھارا اسٹریٹجک ڈائیلاگ‘‘ کا افتتاحی اجلاس ’’گندھارا کریڈل آف بدھ ازم‘‘ کے اشتراک سے کامیابی کے ساتھ منعقد ہوا، جس میں ملکی و غیر ملکی مندوبین کی بڑی تعداد نے شرکت کی۔
’’ایک مشترکہ مستقبل کی جانب‘‘ کے عنوان سے منعقد ہونے والے اس اہم ڈائیلاگ میں 100 سے زائد مندوبین شریک ہوئے، جن میں بنگلا دیش، کمبوڈیا، جاپان، لاؤس، جمہوریہ کوریا، سری لنکا، تھائی لینڈ اور ویتنام کے سرکاری و ثقافتی وفود شامل تھے۔ اس کے علاوہ چین، جرمنی اور امریکہ کے وزراء، اراکینِ پارلیمنٹ، سفارت کاروں اور گندھارا تہذیب کے نامور ماہرین نے بھی اجلاس میں شرکت کی۔
تقریب کے مہمانِ خصوصی وفاقی وزیر اورنگزیب خان کھچی تھے، جبکہ سیکرٹری خارجہ عاصم افتخار احمد نے گندھارا اقدام کے لیے پاکستان کی بھرپور حمایت کا اعادہ کیا۔ انہوں نے اس بات پر زور دیا کہ پاکستان گندھارا تہذیب کو ایک مشترکہ تاریخی ورثہ اور علاقائی تعاون کے مؤثر پلیٹ فارم کے طور پر عالمی سطح پر آگے بڑھانے کے لیے پُرعزم ہے۔
واضح رہے کہ گندھارا اسٹریٹجک ڈائیلاگ کا بنیادی مقصد بدھ مت کی قدیم تہذیب گندھارا کو ثقافتی سفارت کاری، علاقائی رابطوں اور مشترکہ مستقبل کی بنیاد پر گفتگو کا ذریعہ بنانا ہے۔ اجلاس کے دوران شرکاء نے ثقافتی ورثے کے تحفظ، مذہبی و ثقافتی سیاحت کے فروغ، علمی و تحقیقی تبادلے اور باہمی تعاون کے مختلف پہلوؤں پر تفصیلی تبادلہ خیال کیا۔
متعلقہ عنوانات
معاشی استحکام اور برآمدی مسابقت پائیدار ترقی کیلئے ضروری ہے: گورنر سٹیٹ بینک
18 November 2026
ریفرنڈم کوئی غیر آئینی مطالبہ نہیں جمہوری راستہ ہے: طارق فضل چوہدری
18 November 2026
پمز میں تحقیقات کیلئے ایف آئی اے کا چھاپہ، ریکارڈ فراہم کردیا گیا: ترجمان
18 November 2026
محمود خان اچکزئی سے راجہ ناصر عباس اور مصطفیٰ نواز کھوکھر کی ملاقات
18 November 2026
فضائی آلودگی، لاہور دنیا بھر میں دوسرے جبکہ کراچی ساتویں نمبر پر
18 November 2026
حکومت نے پٹرولیم مصنوعات کی قیمتوں میں مزید کمی کردی
18 November 2026
امریکہ میں کم عمر بچی کو آن لائن جنسی استحصال کی دھمکیاں دینے والا ملزم گرفتار
18 November 2026
اسلام آباد میں مکان سے بھاری مقدار میں حرام جانوروں کا گوشت برآمد، مقدمہ درج
18 November 2026