خواب کی مدد سے خاتون نے ہزاروں ڈالر کی لاٹری جیت لی

امریکا کی ریاست ساؤتھ کیرولائنا میں ایک خاتون نے اپنے خواب کی رہنمائی پر لاٹری جیت کر 13 ہزار ڈالر اپنے نام کیے۔

خاتون کا کہنا ہے کہ انہوں نے اپنی والدہ سے متعلق ایک خواب دیکھا، جس کے بعد انہوں نے اپنی والدہ کے موبائل نمبر کے ہندسوں کو لاٹری میں استعمال کرنے کا فیصلہ کیا۔ خواب سے بیدار ہونے کے بعد وہ لاٹری اسٹور گئیں اور پِک 4 لاٹری کے پانچ ٹکٹ خریدے، جن میں سے ہر ٹکٹ نے 2600 ڈالر کا انعام دیا۔ نتیجتاً، مجموعی انعام 13 ہزار ڈالر تک پہنچ گیا۔

خاتون نے بتایا کہ خواب نے انہیں جیت کے لیے صحیح راستہ دکھایا اور یہ تجربہ ان کے لیے حیران کن اور خوشی کا باعث رہا۔