رجب بٹ کو عدالت پیشی پر پولیس پروٹوکول دینے کیخلاف درخواست دائر

لاہور ہائیکورٹ میں ایک شہری کی جانب سے درخواست دائر کی گئی ہے جس میں موقف اختیار کیا گیا ہے کہ یوٹیوبر رجب بٹ، جو کہ سیشن کورٹ میں خاتون سے زیادتی کے مقدمے میں نامزد ملزم ہیں، انہیں ہر پیشی پر غیر قانونی طور پر پولیس پروٹوکول دیا جا رہا ہے۔ درخواست گزار، جو کہ اسی مقدمے میں گواہ بھی ہے، نے موقف اپنایا کہ رجب بٹ نہ تو کوئی پبلک آفس ہولڈر ہیں اور نہ ہی کسی سرکاری عہدے پر فائز ہیں، لہٰذا ایک ملزم کو پروٹوکول دینا سرکاری خزانے کا زیاں اور غیر قانونی عمل ہے۔ عدالت نے آئی جی پنجاب اور دیگر فریقین سے جواب طلب کرتے ہوئے سماعت 11 مئی تک ملتوی کر دی ہے۔