لیجنڈری ڈرمر 86 سال کی عمر میں انتقال کرگئے

لاس اینجلس: موسیقی کی دنیا کے معتبر جریدے ‘رولنگ اسٹون’ کے مطابق، جیمز گیڈسن کی اہلیہ باربرا نے ان کی موت کی تصدیق کرتے ہوئے بتایا کہ وہ گزشتہ کچھ عرصے سے صحت کے مسائل کا شکار تھے۔ 2 اپریل کو ہونے والے اس سانحہ سے قبل وہ گھر میں گرنے کی وجہ سے کمر کی شدید چوٹ کا بھی شکار ہوئے تھے۔

17 جون 1939 کو کینساس سٹی، میزوری میں پیدا ہونے والے جیمز گیڈسن نے 1960 کی دہائی کے آخر میں اپنے سفر کا آغاز کیا۔ انہوں نے ‘چارلس رائٹ اینڈ دی واٹس 103rd اسٹریٹ ردم بینڈ’ سے اپنی پہچان بنائی، لیکن 1972 میں بل ودھرز کے مشہورِ زمانہ البم ’اسٹل بل‘ (Still Bill) میں ان کے کام نے انہیں عالمی شہرت کی بلندیوں پر پہنچا دیا۔