پبلک بلڈنگ پراپرٹیز کی لیز اب سی ڈی اے بورڈ کی منظوری سے مشروط

سی ڈی اے کی جانب سے جاری نوٹس میں واضح کیا گیا ہے کہ آئندہ کسی بھی ہاؤسنگ سوسائٹی کو پبلک بلڈنگ ایریا یا عوامی استعمال کی زمین لیز پر دینے کے لیے سی ڈی اے بورڈ کی باقاعدہ منظوری حاصل کرنا لازم ہو گا۔

نوٹس میں مزید کہا گیا ہے کہ بغیر اجازت لیز دی گئی پبلک پراپرٹیز کو غیر قانونی تصور کیا جائے گا اور اس ضمن میں متعلقہ سوسائٹیز کے خلاف قانونی کارروائی عمل میں لائی جا سکتی ہے۔ سی ڈی اے کا کہنا ہے کہ یہ اقدام شہری منصوبہ بندی، عوامی مفاد اور دارالحکومت کے ماسٹر پلان کے تحفظ کے لیے کیا گیا ہے۔