لارا دتہ ’رامائن‘ میں ساڑھی لُک پر ٹرول ہوگئیں

نامور بالی ووڈ اداکارہ لارا دتہ کو کثیر البجٹ فلم ’رامائن‘ کا ٹریلر ریلیز ہونے کے بعد اپنے جدید ساڑھی لُک کی وجہ سے شدید تنقید اور ٹرولنگ کا سامنا کرنا پڑ رہا ہے۔ سوشل میڈیا صارفین اور شائقین نے فلم کے ملبوسات کو غیر روایتی قرار دیتے ہوئے کہا ہے کہ صرف زیورات پہنانے سے تاریخی یا شاہی تاثر پیدا نہیں ہوتا، جبکہ لارا دتہ کا انداز کردار کی مناسبت سے بہت زیادہ سادہ اور جدید دکھائی دے رہا ہے۔ نتیش تیواری کی ہدایت کاری میں بننے والی اس فلم میں رنبیر کپور بھگوان رام کا کردار ادا کر رہے ہیں، تاہم ان کے ڈائیلاگ ڈیلیوری اور اداکاری کی گہرائی پر بھی سوالات اٹھائے جا رہے ہیں۔ 4 ہزار کروڑ روپے کے مبینہ بجٹ سے بننے والی اس فلم سے مداحوں کو بڑی توقعات تھیں، لیکن ٹریلر کے معیار اور کاسٹنگ پر ملا جلا ردِعمل سامنے آ رہا ہے۔ فلم کو دو حصوں میں دیوالی 2026 اور دیوالی 2027 میں ریلیز کیا جائے گا۔