اینکر ریحان طارق کی توہینِ مذہب کے مقدمے میں بعد از گرفتاری ضمانت کی درخواست خارج

لاہور کی ضلع کچہری نے توہینِ مذہب کے مقدمے میں نامزد اینکر ریحان طارق کی ضمانت بعد از گرفتاری کی درخواست خارج کر دی ہے۔ تفصیلات کے مطابق، جوڈیشل مجسٹریٹ نعیم وٹو نے وکلا کے تفصیلی دلائل سننے کے بعد یہ فیصلہ سنایا۔ اینکر ریحان طارق کے خلاف وفاقی تحقیقاتی ادارے کے سائبر کرائم ونگ یا نیشنل سائبر کرائم انویسٹی گیشن ایجنسی (NCCIA) نے مقدمہ درج کر رکھا ہے۔ سماعت کے دوران ملزم کے وکیل میاں داؤد ایڈووکیٹ نے دائرہ اختیار اور دفعات پر بحث کرتے ہوئے مؤقف اختیار کیا کہ مقدمے میں شامل کی گئی دفعات قانونی طور پر قابلِ ضمانت ہیں اور ان کے موکل کی جانب سے پوچھے گئے محض ایک سوال سے توہینِ مذہب کا کوئی عنصر ثابت نہیں ہوتا۔ تاہم، عدالت نے دفاعی وکیل کے دلائل کو مسترد کرتے ہوئے ملزم کی ضمانت کی درخواست خارج کر دی۔