بانی پی ٹی آئی کولانےوالے انہیں دوبارہ برسراقتداردیکھناچاہئیں گے، خواجہ آصف

سوشل میڈیا پر جاری بیان میں خواجہ آصف کا کہنا تھا کہ پاکستان کو گالیاں دینے والوں کو پناہ  دینے  والوں کی خواہشات ہیں کہ یہ اقتدار میں آئیں، یاد رکھیں 9 مئی کو  فوجی تنصیبات پر حملہ  ان ہی مقاصد کےحصول کی کوشش تھی۔خواجہ آصف کا کہنا تھا کہ  بانی پی ٹی آئی کے دور میں  بھارت  نے حملہ کیا، راتوں رات ابھی نندن کو ہم نےہاتھ جوڑ کے واپس کیا، مئی میں بھارت نے حملہ کیا  تو  پاکستان نےفتح کی تاریخ رقم کی، دنیا حیرت زدہ رہ گئی کہ یہ وہی پاکستان ہے جس نےکچھ سال قبل بھارتی پائلٹ واپس کیا تھا۔  ہماری افواج  نے اللہ کی مدد سے قوم کا سرفخر سے بلند کیا۔

خواجہ آصف کاکہناتھاکہ  باہربیٹھے نام نہاد پاکستانی اورطالبان سےمذاکرات کے حامی وطن عزیزکی ترقی کے دشمن ہیں۔