خفیہ شادی کی خبروں پر اداکار خوشحال خان نے خاموشی توڑ دی

پاکستانی شوبز انڈسٹری کے معروف نوجوان اداکار خوشحال خان نے اداکارہ رمشا خان کے ساتھ اپنی خفیہ شادی کی گردش کرتی افواہوں پر خاموشی توڑتے ہوئے حقیقت واضح کر دی ہے۔ خوشحال خان نے ان خبروں کی سختی سے تردید کرتے ہوئے واضح کیا کہ ایسی تمام افواہوں کا حقیقت سے کوئی تعلق نہیں ہے۔ انہوں نے سوشل میڈیا پلیٹ فارم انسٹاگرام پر اپنے پیغام میں طنزیہ انداز اپناتے ہوئے لکھا کہ “ہو گئی کلاؤٹ چیزنگ (Clout Chasing)، اب کام پر واپس آئیں۔”

واضح رہے کہ اس ہیجان کا آغاز سوشل میڈیا پر ایک پلیٹ فارم کے اس دعوے سے ہوا تھا جس میں کہا گیا تھا کہ شوبز کے دو ‘اے لسٹ’ (A-list) اداکاروں نے خفیہ طور پر شادی کر لی ہے۔ اگرچہ اس خبر میں کسی فنکار کا نام نہیں لیا گیا تھا، تاہم مداحوں اور مختلف سوشل میڈیا پیجز نے رمشا خان اور خوشحال خان کی مقبول آن اسکرین کیمسٹری کی بنیاد پر قیاس آرائیاں شروع کر دیں کہ یہ جوڑی وہی ہو سکتی ہے۔ دونوں فنکار اپنے معیاری کام اور منفرد انتخاب کی وجہ سے انڈسٹری میں خاص مقام رکھتے ہیں، یہی وجہ ہے کہ اس مبینہ خبر نے مداحوں میں شدید تجسس پیدا کر دیا تھا جسے اب خوشحال خان نے واضح پیغام کے ساتھ ختم کر دیا ہے۔