قازقستان ابراہم اکارڈ میں شامل ہورہا ہے،دیگر ممالک بھی شمولیت پر آمادہ ہیں،صدر ٹرمپ

امریکی صدر ڈونلڈ ٹرمپ نے اعلان کیا ہے کہ قازقستان ابراہم اکارڈ میں شامل ہورہا ہے، جب کہ دیگر کئی ممالک بھی جلد اس امن معاہدے کا حصہ بننے جا رہے ہیں۔

وائٹ ہاؤس میں وسط ایشیائی ممالک کے رہنماؤں سے ملاقات کے دوران صدر ٹرمپ نے کہا کہ یہ پیشرفت دنیا میں تعلقات استوار کرنے اور امن کے فروغ کی سمت ایک اہم اور نمایاں قدم ہے۔انہوں نے مزید بتایا کہ امریکا نے کئی دوسرے ممالک سے بھی رابطے کیے ہیں تاکہ وہ ابراہم اکارد کے تحت امن کے عالمی کلب میں شامل ہوں۔ایک سوال کے جواب میں امریکی صدر نے کہا کہ غزہ میں انٹرنیشنل فورس جلد تعینات کی جائے گی۔ ان کے مطابق حماس امن معاہدے کا ایک چھوٹا سا حصہ ہے، لیکن اگر حماس نے کوئی گڑبڑ کی تو اس سے سختی سے نمٹا جائے گا۔