جویریہ سعود کو یمنیٰ زیدی کی جعلی بچپن کی تصویر دکھانے پر شدید تنقید

کراچی: اداکارہ جویریہ سعود کے عید پروگرام میں “بچپن کی تصویر پہچانیں” کے سیگمنٹ کے دوران ایک سنگین غلطی اس وقت ہوئی جب یمنیٰ زیدی کی مبینہ تصویر دکھائی گئی۔ اس تصویر کے نشر ہوتے ہی سوشل میڈیا پر بحث چھڑ گئی اور خود اداکارہ یمنیٰ زیدی نے انسٹاگرام پر واضح کیا کہ یہ ان کے بچپن کی تصویر نہیں ہے۔

تحقیقات کے بعد معلوم ہوا کہ وہ تصویر فریال حمید نامی ایک لڑکی کی ہے، جسے پروگرام کی ٹیم نے سوشل میڈیا سے بغیر تصدیق کے اٹھایا تھا۔ جویریہ سعود نے اس پر عوامی معذرت کرتے ہوئے اپنی ٹیم کی کوتاہی کا اعتراف کیا ہے۔ تاہم، معاملہ اس وقت مزید سنجیدہ ہو گیا جب فریال حمید کے والد نے موقف اختیار کیا کہ ان کی بیٹی کی تصویر ان کی اہلیہ کے پرائیویٹ اکاؤنٹ سے بغیر اجازت لی گئی۔ انہوں نے اس عمل کو رازداری کی خلاف ورزی قرار دیتے ہوئے قانونی چارہ جوئی کا فیصلہ کیا ہے۔