جیسن ہولڈر نے پاک بھارت تنازع عالمی کرکٹ کیلئے افسوسناک قرار دیدیا
Web Desk
8 January 2026
ویسٹ انڈیز کے معروف کرکٹر جیسن ہولڈر نے پاک بھارت تنازع کو عالمی کرکٹ کے لیے افسوسناک قرار دیتے ہوئے کہا ہے کہ کھیل کے میدان میں سیاست کی کوئی جگہ نہیں ہونی چاہیے۔
اپنے بیان میں جیسن ہولڈر کا کہنا تھا کہ بھارت کا ایشیا کپ کی ٹرافی اسٹیج پر نہ لانا حد سے زیادہ اقدام تھا۔ انہوں نے زور دیا کہ کرکٹرز دنیا میں امن کے سفیر ہوتے ہیں اور انہیں اتحاد اور یکجہتی کا پیغام دینا چاہیے۔ ان کا کہنا تھا کہ اگر کھلاڑی اکٹھے ہو جائیں تو تاریخ بھی بدلی جا سکتی ہے۔
جیسن ہولڈر نے بتایا کہ وہ جنگ کے دوران پاکستان میں موجود تھے، جہاں اگرچہ خوف کا ماحول نہیں تھا لیکن غیریقینی کیفیت ضرور پائی جاتی تھی۔ انہوں نے کہا کہ بھارت کے انکار کے باعث ورلڈ کپ میچز کی منتقلی ایک غلط فیصلہ تھا۔
ویسٹ انڈیز کے آل راؤنڈر نے لیگ کرکٹ پر بھی تنقید کرتے ہوئے کہا کہ بھارتی مالکان لیگ کرکٹ میں پاکستانی کھلاڑیوں کو منتخب نہیں کرتے، حالانکہ بہترین مقابلوں کے لیے ضروری ہے کہ بہترین کھلاڑیوں کے ساتھ کھیلا جائے۔
دوسری جانب آسٹریلیا کے سابق کرکٹر میتھیوز ہیڈن کی بیٹی گریس ہیڈن نے بھی پاک بھارت کشیدگی پر ردعمل دیتے ہوئے کہا کہ آئی پی ایل اور پی ایس ایل کے دوران حالات نہایت خوفناک تھے۔ ان کے مطابق بھارت میں غیریقینی صورتحال کا سامنا رہا اور ایسے حالات پوری کرکٹ دنیا کے لیے تکلیف دہ ہوتے ہیں۔
متعلقہ عنوانات
صائم ایوب کا کرکٹ سے عارضی وقفہ لینے کا فیصلہ، پی سی بی سے درخواست
22 November 2026
ویمنز ایمرجنگ نیشز ٹرافی: پاکستان کی سکاٹ لینڈ کیخلاف شاندار کامیابی
22 November 2026
دورہ پاکستان کے اختتام پر سری لنکن کرکٹ ٹیم کے اعزاز میں عشائیہ
22 November 2026
وزارتِ خارجہ اور اسلام آباد چیمبر آف کامرس کے اشتراک سے گالف ٹورنامنٹ کا انعقاد
22 November 2026
سلطان اذلان شاہ ہاکی، پاکستان کی لگاتار دوسری فتح
22 November 2026
جوش ہیزل ووڈ نے پیٹ کمنز کو کپتانی سے ہٹانے پر ٹیم چھوڑنے کا عندیہ دے دیا
21 November 2026
سری لنکا کرکٹ ٹیم کے آل فارمیٹ دورہ پاکستان کے اختتام پر مہمان ٹیم کے اعزاز میں پُروقار عشائیہ
21 November 2026
پی سی بی نے نئے سینٹرل کنٹریکٹس کا اعلان کر دیا
21 November 2026