اسحاق ڈار کا عباس عراقچی سے ٹیلیفونک رابطہ، دورہ پاکستان کی دعوت

پاکستان کے نائب وزیراعظم اور وزیر خارجہ سینیٹر اسحاق ڈار نے ایرانی وزیر خارجہ سید عباس عراقچی سے ٹیلی فون پر رابطہ کیا ہے، جس کے دوران علاقائی اور عالمی صورتحال پر تفصیلی تبادلہ خیال کیا گیا۔ ترجمان دفتر خارجہ کے مطابق دونوں رہنماؤں نے گفتگو کے دوران بالخصوص مقبوضہ مشرقی بیت المقدس کی بگڑتی ہوئی صورتحال اور خطے میں ہونے والی تازہ ترین پیش رفت کا باریک بینی سے جائزہ لیا۔ گفتگو کے اختتام پر نائب وزیراعظم اسحاق ڈار نے ایرانی وزیر خارجہ کو پاکستان کے باضابطہ دورے کی دعوت بھی دی تاکہ دونوں ممالک کے درمیان دوطرفہ تعلقات اور تعاون کو مزید فروغ دیا جا سکے۔