روپے کی قدر میں بہتری، انٹربینک میں ڈالر مزید 3 پیسے سستا ہوگیا

انٹربینک مارکیٹ میں امریکی ڈالر کے مقابلے میں پاکستانی روپے کی قدر میں بہتری کا سلسلہ برقرار ہے۔ کاروباری ہفتے کے پہلے روز انٹربینک مارکیٹ میں ٹریڈنگ کے دوران امریکی کرنسی کی قیمت میں مزید 3 پیسے کی کمی ریکارڈ کی گئی، جس کے باعث روپیہ مزید مستحکم ہوا۔

اس معمولی کمی کے بعد انٹربینک میں ڈالر 277 روپے 25 پیسے سے نیچے آ کر 277 روپے 22 پیسے کی سطح پر بند ہوا۔ معاشی ماہرین کے مطابق روپیہ اور ڈالر کی قدر میں یہ مسلسل استحکام ملک میں ترسیلاتِ زر کے مثبت بہاؤ اور مجموعی معاشی اعشارئیوں کے زیرِ اثر دیکھا جا رہا ہے۔