عمران عباس نے شوبز میں واپسی سے متعلق اہم انکشاف کردیا

پاکستان کے معروف اور نامور اداکار عمران عباس نے شوبز انڈسٹری میں اپنی واپسی اور نئے پروجیکٹس سے متعلق گردش کرنے والی خبروں پر خاموشی توڑتے ہوئے واضح کیا ہے کہ فی الحال ان کا کسی بھی نئے ڈرامے میں کام کرنے کا کوئی ارادہ نہیں ہے۔

سوشل میڈیا پلیٹ فارم پر مداحوں کے ساتھ گفتگو کے دوران ایک سوال کا جواب دیتے ہوئے عمران عباس نے بتایا کہ ان کا کوئی بھی نیا ڈرامہ نشر ہونے والا نہیں ہے، کیونکہ انہوں نے حالیہ عرصے میں کسی بھی ٹی وی پروجیکٹ کے لیے معاہدے پر دستخط (سائن) نہیں کیے۔

اداکار کا مزید کہنا تھا کہ وہ اس وقت شوبز میں فوری واپسی کی کوئی منصوبہ بندی نہیں کر رہے اور ان کی تمام تر توجہ فی الحال اپنی کاروباری سرگرمیوں پر مرکوز ہے۔ واضح رہے کہ عمران عباس ماضی میں بھی موجودہ دور کی کہانیوں پر ناپسندیدگی کا اظہار کر چکے ہیں، جہاں ان کا کہنا تھا کہ آج کل کے ڈراموں کے اسکرپٹس انہیں اتنے متاثر نہیں کرتے کہ وہ دوبارہ ٹی وی اسکرین پر اداکاری کرتے دکھائی دیں۔