پہلی بار AI نے دوسری اے آئی کمپنی کو ہیک کر دیا

مصنوعی ذہانت کی معروف کمپنی ‘ہگنگ فیس’ نے انکشاف کیا ہے کہ اس کے سسٹم پر ہونے والا حالیہ سائبر حملہ کسی انسان نے نہیں بلکہ مکمل طور پر ایک خودمختار (Autonomous) مصنوعی ذہانت نے انجام دیا ہے۔ کمپنی کے مطابق حملہ آور AI نے پلیٹ فارم پر ایک ڈیٹا سیٹ اپ لوڈ کر کے سیکیورٹی خامی کا فائدہ اٹھایا اور سرورز پر اپنا کوڈ چلانے میں کامیاب ہو گیا۔ غیر معمولی بات یہ ہے کہ ہگنگ فیس نے اس حملے کا تجزیہ کرنے اور خامی کی نشاندہی کے لیے بھی اپنے ہی ‘لارج لینگوئج ماڈل’ (LLM) اور AI ٹولز کا استعمال کیا۔ ماہرین کا کہنا ہے کہ یہ اپنی نوعیت کا پہلا واقعہ ہے جہاں ایک AI ایجنٹ نے بغیر کسی انسانی دخل اندازی کے ابتدائی مرحلے سے اختتام تک پورا حملہ خود کیا، جو مستقبل میں سائبر سیکیورٹی کے لیے ایک سنگین چیلنج ثابت ہو سکتا ہے۔