میئر آف ہیوسٹن کا افطار: ہزار افراد کی رجسٹریشن ڈھائی منٹ میں مکمل

ہیوسٹن: امریکہ میں مسلمانوں کے سب سے بڑے بین المذاہب اجتماعات میں شمار ہونے والا میئر آف ہیوسٹن کا سالانہ افطار ایک بار پھر غیر معمولی توجہ کا مرکز بن گیا، جہاں ایک ہزار افراد کی آن لائن رجسٹریشن محض ڈھائی منٹ میں مکمل ہوگئی۔

افطار کی رجسٹریشن کے عمل کو میڈیا اور کمیونٹی نمائندگان کی موجودگی میں براہِ راست ڈیش بورڈ پر دکھایا گیا تاکہ شفافیت کو یقینی بنایا جا سکے۔ ایونٹ کے مطابق تمام رجسٹریشن ایک مستند آن لائن پلیٹ فارم کے ذریعے کی گئی اور شرکاء کو مکمل طریقہ کار سے آگاہ کیا گیا۔

یہ عظیم الشان افطار کئی برسوں سے باقاعدگی سے منعقد کیا جا رہا ہے۔ تقریب میں مسلمان کمیونٹی کی بڑی تعداد کے ساتھ ساتھ دیگر کمیونٹیز کے نمائندے بھی مدعو ہوتے ہیں افطار بین المذاہب ہم آہنگی اور سماجی اتحاد کا پیغام دیتا ہے۔

ایونٹ کو پاکستانی کمیونٹی کے ایونٹ کوآرڈینیٹر سعید شیخ آرگنائز کرتے ہیں جبکہ معروف کاروباری شخصیت سید جاوید انور اس کے چیف پیٹرن ہیں۔

منتظمین کے مطابق تیز رفتار رجسٹریشن اس بات کا ثبوت ہے کہ کمیونٹی میں اس افطار کی مقبولیت اور اہمیت مسلسل بڑھ رہی ہے۔