ہیوسٹن: ہیلپنگ ہینڈ کی کمیونٹی سے یتیم بچوں کی کفالت میں تعاون کی اپیل

ہیوسٹن: ہیلپنگ ہینڈ فار ریلیف اینڈ ڈولپمنٹ نے تقریب منعقد کی، جس میں دنیا بھر کے یتیموں کے لیے کفالت کی اہمیت پر زور دیا گیا۔ تقریب میں 20,000 سے زائد یتیموں کی کفالت کے پروگرام کے حوالے سے ٓگاہ کیا گیا اور کمیونٹی سے اس کار خیر میں بڑھ چڑھ کر حصہ لینے کی اپیل کی گئی۔

ایونٹ میں بتایا گیا کہ ہیلپنگ ہینڈ اب تک 51,000 یتیموں کو کفالت فراہم کی جا چکی ہے جبکہ رواں سال دنیا بھر میں 20,000 یتیموں کی کفالت کی گئی ہے۔ پاکستان میں تقریباً 10,500 یتیموں کو سپورٹ فراہم کی جا رہی ہے، جن میں گلگت بلتستان اور آزاد جموں و کشمیر کے بچے بھی شامل ہیں۔

مقررین نے کہا کہ یتیم کی کفالت نہ صرف ان کے کھانے پینے کی ضروریات پوری کرتی ہے بلکہ تعلیم، صاف پانی، اور معاشرتی سکون بھی فراہم کرتی ہے، جس سے یتیموں کی زندگی میں امید اور بہتری آتی ہے۔ کمیونٹی کے افراد کو ویب سائٹ hhrd.org/OSP  کے ذریعے یتیموں کی کفالت میں حصہ لینے کی ترغیب دی گئی۔

ایونٹ میں شریک دیگر اداروں، جیسے آلائنس فار ڈیزاسٹر ریلیف، نے بھی اس پروگرام میں تعاون کا اعلان کیا اور کہا کہ عالمی سطح پر اور مقامی سطح پر مزید یتیموں کی مدد کے لیے شراکت جاری رہے گی۔ تقریب میں تقریباً 400 یتیم پہلے ہی کفالت کے لیے اپنائے جا چکے تھے، اور رمضان کے دوران مزید تعاون کی توقع ہے۔