بار بار شادی کرنا معاشرے میں اچھا نہیں سمجھا جاتا، حنا خان

بھارتی ڈراما و فلم انڈسٹری کی 36 سالہ معروف اداکارہ حنا خان نے بالی ووڈ سپر اسٹار عامر خان کی گوری سپراٹ سے تیسری شادی پر تبصرہ کرتے ہوئے کہا ہے کہ اس فیصلے سے اداکار کی عوامی ساکھ متاثر ہو سکتی ہے۔ ایک حالیہ پوڈکاسٹ کے دوران اداکارہ روبینا دلیق کے ساتھ گفتگو کرتے ہوئے حنا خان نے کہا کہ ہمارے معاشرے میں بار بار شادی کرنے کو اچھا تصور نہیں کیا جاتا، اس لیے ایک عام شخص یہی سوچے گا کہ ایک اور رشتہ ختم کر کے پھر سے شادی کر لی گئی۔ یاد رہے کہ 5 جولائی کو عامر خان نے گوری سپراٹ کے ساتھ ایک سادہ تقریب میں تیسری شادی کی ہے، جبکہ اس سے قبل ان کی رینا دتہ (1986) اور کرن راؤ (2005) سے بھی شادیاں طلاق پر ختم ہو چکی ہیں۔