LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سری لنکا کے خلاف ٹیسٹ سیریز میں کامیابی، وزیراعظم شہباز شریف کی قومی ٹیم کو مبارکباد علیمہ خان کی نظر بندی سے متعلق درخواست جلد سماعت کے لیے منظور چھوٹے صوبے یا بادشاہتیں اور ان پر ایک شہنشاہ، ایسے ملک نہیں چلے گا: سعد رفیق پنجاب کے ہر ضلع میں کیتھ لیب، چلڈرن ہسپتال قائم کرنا چاہتے ہیں: مریم نواز معاشی ترقی کی باگ ڈور نجی شعبے کو دینا ہوگی: مشیر نجکاری محمد علی کراچی: لانڈھی میں گھر کے اندر فائرنگ، خاتون سمیت 3 افراد جاں بحق پاکستان سٹاک مارکیٹ میں کاروبار کے آغاز پر مثبت رجحان اسلام آباد پولیس کی SWAT فورس کو 20 نئی گاڑیاں فراہم کر دی گئیں پاکستان اور مالدیپ کے درمیان بحری تجارت اور تعاون بڑھانے پر اتفاق خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل مدارس و جدید تعلیمی نظام میں ہم آہنگی وقت کی اہم ضرورت ہے: احسن اقبال خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل مدارس و جدید تعلیمی نظام میں ہم آہنگی وقت کی اہم ضرورت ہے: احسن اقبال پاکستان اور مالدیپ کے درمیان بحری تجارت اور تعاون بڑھانے پر اتفاق اسلام آباد پولیس کی SWAT فورس کو 20 نئی گاڑیاں فراہم کر دی گئیں

بالائی علاقوں میں شدید برفباری، سڑکیں بند، سیاح محصور، حادثات میں 2 افراد جاں بحق

Web Desk

22 January 2026

ملک کے بالائی علاقوں میں شدید برفباری کے باعث نظامِ زندگی مفلوج ہو کر رہ گیا ہے، متعدد مقامات پر رابطہ سڑکیں بند ہونے سے سیاح پھنس گئے جبکہ مختلف حادثات میں دو افراد جان کی بازی ہار گئے۔

بلوچستان کے شمالی بالائی علاقوں میں برفانی طوفان کا سلسلہ جاری ہے، کوئٹہ سے زیارت جانے والی درجنوں گاڑیاں شاہراہ پر پھنس گئیں، جبکہ چمن کے گرد و نواح میں 100 سے زائد سیاح اپنی گاڑیوں میں محصور ہیں۔

این 50 شاہراہ پر کان مہترزئی، خانوزئی اور مسلم باغ کے علاقوں میں شدید برفباری اور پھسلن کے باعث ٹریفک معطل ہو گئی ہے، جس کے نتیجے میں بین الصوبائی مسافر اور مال بردار گاڑیاں بھی پھنس گئیں۔ این 50 پر پیش آنے والے 9 مختلف حادثات میں 27 افراد زخمی ہوئے ہیں۔

کوژک ٹاپ پر شدید سائبیرین ہواؤں کے باعث این 25 چمن، کوئٹہ، کراچی شاہراہ پر درجہ حرارت منفی 12 ڈگری تک گر گیا۔ شیلاباغ کے قریب پھسلن کے باعث گاڑیاں آپس میں ٹکرا گئیں، حادثے میں 2 افراد جاں بحق جبکہ 7 زخمی ہوگئے۔ کوئٹہ میں بھی موسم سرما کی پہلی برفباری ریکارڈ کی گئی۔

دوسری جانب خیبر پختونخوا کے بالائی علاقوں مانسہرہ، گلیات، شانگلہ، لوئر دیر، مہمند، کالام، اورکزئی، چترال اور خیبر میں شدید برفباری ہوئی ہے۔ ضلع خیبر کی وادی تیراہ میں 100 کے قریب گاڑیاں پھنس گئیں، 35 افراد کو محفوظ مقامات پر منتقل کر دیا گیا۔

گلگت بلتستان کے ضلع استور کے بالائی علاقوں میں دو سے تین فٹ تک برفباری سے زمینی رابطہ منقطع ہو گیا ہے، جبکہ ہنزہ، نگر اور چلاس سمیت دیگر علاقوں میں بھی شدید سردی پڑ رہی ہے۔ مری میں مسلسل برفباری کے باعث مری ایکسپریس وے کو جزوی طور پر ٹریفک کے لیے بند کر دیا گیا ہے۔