حسن احمد کی فہد شیخ پر شدید تنقید

پاکستان شوبز انڈسٹری کے معروف اداکار حسن احمد نے ساتھی اداکار فہد شیخ کو سینئر اور معزز اداکار سید محمد احمد کے ساتھ نامناسب سلوک پر شدید تنقید کا نشانہ بنایا ہے۔ حسن احمد نے اپنی انسٹاگرام اسٹوری میں فہد شیخ کے ساتھ ماضی میں کام کرنے کے تجربے کا حوالہ دیتے ہوئے الزام عائد کیا کہ فہد شیخ خود کو اسمارٹ ظاہر کرنے کی کوشش میں اکثر لوگوں کا تمسخر اڑاتے ہیں۔ انہوں نے فہد شیخ کو مخاطب کرتے ہوئے کہا کہ ان کا رویہ تضحیک آمیز ہے اور وہ دوسروں کو نیچا دکھا کر خود کو بہتر ثابت کرنے کے عادی ہیں۔ حسن احمد نے سوشل میڈیا پر وائرل ہونے والی ویڈیو پر سخت ردِعمل دیتے ہوئے فہد شیخ اور اس نامناسب عمل میں ملوث دیگر افراد کا بائیکاٹ کرنے کا مطالبہ کیا ہے