ہانیہ عامر کی انسٹاگرام پروفائل میں غیر متوقع تبدیلی، مداح حیران

پاکستانی شوبز انڈسٹری کی مقبول ترین اداکارہ ہانیہ عامر اپنے ایک منفرد اور غیر متوقع اقدام کے باعث سوشل میڈیا پر بحث کا مرکز بن گئی ہیں۔ انسٹاگرام پر سب سے زیادہ فالو کی جانے والی پاکستانی اداکاراؤں میں شامل ہانیہ عامر نے اپنی پروفائل میں ایسی تبدیلیاں کی ہیں جس نے مداحوں کو حیرت اور تشویش میں مبتلا کر دیا ہے۔ہانیہ عامر نے اپنی گلیمرس تصاویر کے بجائے اپنے قومی شناختی کارڈ (CNIC) پر لگی تصویر کو انسٹاگرام کی پروفائل پکچر بنا لیا ہے۔داکارہ نے اپنے اکاؤنٹ سے سینکڑوں پرانی پوسٹس کو ڈیلیٹ یا آرکائیو کر دیا ہے، جس کے بعد ان کے تصدیق شدہ اکاؤنٹ پر اب محض 11 پوسٹس باقی رہ گئی ہیں۔ ہانیہ عامر کے اس اقدام پر جہاں کچھ مداحوں نے مزاحیہ تبصرے کیے کہ “صرف ہانیہ ہی شناختی کارڈ کی تصویر میں اتنی خوبصورت نظر آسکتی ہیں”، وہیں کچھ صارفین نے اسے توجہ حاصل کرنے کا ایک نیا طریقہ قرار دیا۔ دوسری جانب، اداکارہ کے چاہنے والوں کی ایک بڑی تعداد تشویش کا اظہار کر رہی ہے کہ آیا وہ کسی ذہنی دباؤ کا شکار ہیں یا ان کا اکاؤنٹ ہیک ہوا ہے۔ تاحال ہانیہ عامر کی جانب سے ان تبدیلیوں کی کوئی واضح وجہ سامنے نہیں آئی ہے۔